Kơxo hâi lơ 5/7, a Hà Nội, pôa Phạm Minh Chính, Ngế pro xiâm hnê ngăn Chin phuh veăng hôp tâi tâng mâu lêng 6 khế apoăng hơnăm 2023. Tối tơbleăng a hneăng hôp, tung la ngiâ, pôa Phạm Minh Chính, Ngế pro xiâm hnê ngăn tơnêi têa pơkâ thế Khu pêi cheăng xiâm lêng, Khu xiâm pơkuâ ngăn lêng ƀă mâu kơ koan tíu pêi cheăng tâi tâng mâu lêng, mê cho hơ’lêh pêi tơdroăng tối tơbleăng hnê mơhno dêi pôa Nguyễn Phú Trọng, Kăn xiâm pơkuâ hnê ngăn Đảng a hneăng hôp Khu pêi cheăng xiâm lêng pơla hdrối kô nah, vâ tơkŭm pơkuâ hnê mơhno, tơkŭm pêi mâu tơdroăng tung la ngiâ mê cho, thế hbrâ rơnáu, ƀĕng ƀeăn, mơdêk ivá cheăng tí tăng ‘nâi plĕng tối tơbleăng hdrối, pêi pro tro tơdroăng cheăng tí tăng ‘nâi mâu tơdroăng ƀă Đảng, Tơnêi têa ‘na mâu lêng.

Tung mê, ai luât pơkâ tơleăng mơnhên rơkê tơƀrê mâu tơdroăng drêng trâm, ƀă ing tơdroăng pêi pro 3 ôh, mê cho: pôi tá tơngôu, pôi tá mơdoh thế đi đo hbrâ rơnáu, pôi tá rĕng ăm ‘nâi, pôi tá kơdrâ ‘na troăng rơhlâ, pôi tá vung vế tung mâu tơdroăng, pôi tá hrá tơleăng mơnhên mâu tơdroăng kal ƀă drêng ai tơdroăng kơdrâ ‘nâi ‘na lêng.