Pơtối mê, Khu râ kăn xiâm pơkuâ tơnêi têa pêi cheăng a Tôh, tơpui tơno khu mâu tơdroăng ‘na tơdroăng hbrâ Hneăng hôp má XIV ƀă tâ phĭu rah xo Kăn xiâm Kuô̆k hô̆i hneăng má XVI, tâ phĭu rah xo Hô̆i đong kuăn pơlê mâu râ hneăng hơnăm 2026 – 2031. Khu xiâm kal kí hôp tơpui ‘na tơdroăng tơmâng xo, tiâ tối rơkong Khu râ kăn xiâm Tơnêi têa hiăng tơpui tơno hâi lơ 10/4 ƀă kơxo hâi lơ 11/4, mâu tơdroăng xiâm ‘na pơtối rah xo bro lế lĕm tro khu pêi cheăng tơnêi têa dêi khu cheăng kal kí, rah xo bro lế lĕm tro tíu pêi cheăng tơnêi têa ƀă khu tơrŭm pơkuâ kong pơlê 2 râ.

Ki nhên cho tơdroăng rah xo bro lế lĕm tro tíu pêi cheăng tơnêi têa râ kong pơlê; troăng pêi cheăng rah xo bro lế lĕm tro, vêh tơkŭm po tíu pêi cheăng tơnêi têa râ cheăm; tơdroăng cheăng, hnoăng cheăng, hnoăng chiâng pêi, khu tơrŭm cheăng tơnêi têa dêi khu râ kăn pơkuâ râ kong pơlê ƀă râ cheăm; ‘na khu pêi cheăng đảng, đoân theh, hngêi tơleăng kuăn pơlê, kơ koan xiâm séa ngăn kuăn pơlê; pơtối rah xo, bro lế lĕm tro kăn ƀô̆ ƀă pêi pro tơdroăng mơhá, troăng hơlâ ƀă kăn ƀô̆; ‘na pơkuâ, xúa tơmeăm tơnêi têa klêi kơ’nâi rah xo bro lế lĕm tro./.