Tung mê, ai 700 ngế tâ tú tung 1 khế a chê kố. Tíu ki ai ngế tro hên má môi cho pơlê kong kơdrâm Đà Lạt, pơtối mê cho tơring Đức Trọng. Tung mâu ngế ki tro pơreăng lo xêi a Lâm Đồng ai hên ngế ki hiăng kân.

Hlo tơdroăng ki pơreăng lo xêi tâ tú rĕng, rơtế ƀă tơdroăng ki mơdêk rơdêi hnoăng cheăng klâ xoăng, séa ngăn, pơlât, hbrâ rơnáu mâu pơkeăng, kế tơmeăm xúa tung khăm pơlât ăm mâu ngế ki pơlât pơreăng lo xêi, kơvâ ngăn pơkeăng pơlât kong pơlê dế mơ-eăm hbrâ mơdât pơreăng ƀă pêi pro tơdroăng ki pâk pơkeăng, rak vế tơniăn kơxô̆ ngế pâk vaccine hbrâ mơdât pơreăng lo xêi lối 95% a vâi hdrêng.