VOV4.Xơ Đăng - Hâi lơ 14/10, a Pơlê kong kân Hải Phòng, Grup rak vế hlá mơ-eá kal dêi lâp plâi tơnêi a Việt Nam, dó inâi IDG Việt Nam tơrŭm cheăng ƀă Khu hnê mơhno kơxô̆ Việt Nam tơkŭm po Hneăng hôp Tơnêi têa ‘na Chin phuh kơxô̆ hơnăm 2022 dó inâi “Túa chêh ‘măn pơ’leăng mâ mơngế, đăi hok kơxô̆, hnoăng cheăng logistic, mơnhông xúa mâu tơmeăm, kơmăi ki rak vế ngăn kơpong kuăn pơlê rêh ối, tơnêi tíu ƀă troăng hơlâ thăm mơdêk hơ’lêh kơxô̆ tơnêi têa”.

A hneăng hôp mê, mâu ngế ki hriăn plĕng hiăng tơpui tối hên mâu tơdroăng ki nếo ai ki rơkê ‘na kơmăi, phân mêm ki rak vế kơxô̆  ‘na pêi cheăng kâ kơxô̆, pơlê pơla kơxô̆, vâ pêi pro khŏm klêi tơdroăng ki hơ’lêh cheăng kơxô̆ pơla sap hơnăm 2022-2025. Khu hnê mơhno mê hiăng diâp pri ƀă pơ-ô mâu kăn ki pơkuâ ngăn cheăng hơ’lêh kơxô̆ ki tro má môi dêi hơnăm 2022, dó inâi CDO Awards.

Khu kăn ki pơkuâ ngăn cheăng hơ'lêh kơxô̆ ki rơkê

Drêng kố, pơlê kong kân Hải Phòng hiăng chiâng bro ƀă mơ’no Kŏng thong tin ‘na tơnêi tíu dêi pơlê kong kân. Ing hnoăng cheăng pêi pro kố, kuăn pơlê, khu mơdró kâ a pơlê kong kân Hải Phòng chiâng vâ po ngăn tung măng Internet, châ ngăn hlo ‘na lơgât, tơdroăng nếo ai ‘na tơnêi tíu, tơdroăng ki hbru phĭu rak xúa tơnêi ƀă hên hĕng mâu tơdroăng ki ê, kum rơpŏng dêi tơná tơ’lêi hlâu.

Diâp pro ƀă pơ-ô mâu Kăn ki ngăn cheăng hơ’lêh kơxô̆ rơkê hơnăm 2022

VOV/Tơplôu: Nhat Lisa