VOV4.Xơ Đăng - Kơxo lơ 16/8, Khu xiâm pơkuâ Kŏng an tơrŭm ƀă Hok viê̆n kal kí Tơnêi têa Hồ Chí Minh, Vi ƀan cheăng lêng ƀă gâk kring dêi Kuô̆k hô̆i ƀă Khu in hlá tơbeăng Kal kí Tơnêi têa ki ai khât tơkŭm po hneăng hôp tơpui tơno khoa hok râ tơnêi têa: ‘’Mơnhông mơdêk ivá ó rơdêi tâi tâng hdroâng mơngế gâk kring Tơnêi têa tung rơxông nếo’’. A hneăng hôp tơpui tơno mâu kăn teăng mâ tơkŭm mơnhên tơdroăng ki kal ƀă mâu pơkâ mơnhông mơdêk ivá ó rơdêi tâi tâng hdroâng mơngế gâk kring tơnêi têa tung rơxông nếo; Mơnhên xiâm kối mơnhông mơdêk troăng tơmiât tơpui leăng dêi Đảng, ki rơhêng vâ tối cho hlê plĕng nếo tung Mơ-éa ki kal Hneăng hôp XIII ‘na mơnhông mơdêk ivá ó rơdêi tâi tâng hdroâng mơngế gâk kring tơnêi têa.

Tâi tâng a hneăng hôp, tơpui tơno

Tơdrêng amê mơnhên tơdroăng nôkố ƀă pơkâ mâu hnoăng cheăng, troăng pêi mơnhông mơdêk ivá ó rơdêi tâi tâng hdroâng mơngế gâk kring tơnêi têa tung rơxông nếo châ tơƀrê ƀă pơxúa. Châ tơƀrê dêi hneăng hôp tơpui tơno cho xiâm kối vâ pâ thế ƀă khu râ kăn pơkuâ Đảng, Tơnêi têa ai troăng hơlâ, troăng pêi mơnhông mơdêk ivá ó rơdêi tâi tâng hdroâng mơngế gâk kring tơnêi têa, kum gâk kring Tơnêi têa ‘’thâ rĕng’’ ‘’ing hơngế’’, kum châ tơƀrê hnoăng cheăng mơnhông mơdêk cheăng kâ, mơhno túa lĕm tro ƀă tơpui tơno ƀă kong têa ê dêi tơnêi têa.

A Sa Ly tơplôu ƀă tơbleăng