VOV4.Xơ Đăng - Hâi lơ 15/8, Khu Mơnhông mơdêk khôi túa lĕm tro khu tê mơdró Việt Nam tối ăm ‘nâi: Hneăng hôp tơpui tơno tơnêi têa ‘’Khôi túa lĕm tro ƀă khu tê mơdró’’ roh má 2  kô châ tơkŭm po a Hà Nội a khế 11 hơnăm kố. Hneăng hôp tơpui tơno hơnăm kố kô ai 3 tơdroăng xiâm, mê cho: Hneăng hôp tơpui tơno dó inâi ‘’Thăm mơnhông khôi túa lĕm tro – Xiâm rêi pro tơniăn ƀă mơnhông cheăng kâ krá tơniăn’’; Leh pơ-ôu pơ-eăng ƀă diâp hlá mơ-éa mơnhên khu tê mơdró châ plah khôi túa lĕm tro tê mơdró hơnăm 2022; Khu râ kăn teăng mâ khu tê mơdró trâm mâ khu râ kăn pơkuâ Đảng ƀă Tơnêi têa.

Ngê̆ sih Nhân yân Vũ Ngoạn Hợp, Kăn phŏ hnê ngăn hnâ mơhno má môi Khu mơnhông mơdêk khôi túa lĕm tro khu tê mơdró Việt Nam tối ăm ‘nâi: Mâu tơdroăng dêi hneăng hôp tơpui tơno kô kum thăm mơnhông tơdroăng mơjiâng khôi túa lĕm tro khu tê mơdró, khôi túa lĕm tro tê mơdró tung pơlê pơla khu tê mơdró Việt Nam tung tơnêi têa ƀă kong têa ê, chôa ‘lâng mơjiâng mâu tơdroăng ki phá tơ-ê ki má môi dêi khôi túa lĕm tro tê mơdró Việt Nam, tơxâng tiô tơdroăng pơkâ mơnhông mơdêk krá tơniăn ƀă mot tơrŭm lâp plâi tơnêi.

A Sa Ly tơplôu ƀă tơbleăng