Hngêi trung Đăi hok Tây Nguyên nôkố ai lối 640 ngế kăn ƀô̆, viên chưk, túa ki hnê lối 9 rơpâu ngế sinh viên, ƀă 5 kơvâ cheăng tiê̆n sih, 12 kơvâ cheăng thak sih ƀă chuyên khoa câ̆p I, 36 kơvâ đăi hok, 1 hngêi trung râ má pái ƀă 1 to hngêi mầm non. Nôkố hngêi trung Đăi hok Tây Nguyên hiăng pêi klêi hnoăng cheăng séa ngăn ki rơkê plĕng ‘na tơdroăng ki hnê hriâm ƀă pêi klêi séa ngăn tơdroăng ki rơkê plĕng a 3 kơvâ cheăng ki hnê: Hnê hriâm râ má môi, Quản trị Kinh doanh ƀă Công nghệ sinh học châ tiô pơkâ dêi Khu xiâm ngăn hnê hriâm ƀă hnê mơjiâng tuăn ngoâ rơkê.

Kăn pơkuâ kong pơlê Dak Lak diâp reăng rơkâu hơnăm hriâm nếo

Tiô pơkâ kơxô̆ 23 hâi lơ 6/10/2022 dêi Khu xiâm pơkuâ tơdroăng kal kí ‘na túa pơkâ toh hơnăm 2030, troăng ngăn troh hơnăm 2045, Hngêi trung Đăi hok Tây Nguyên cho môi tung mâu tơdroăng mâu tơdroăng ki châ kơjo kum mơnhông. Hngêi trung Đăi hok Tây Nguyên mơnhên hnoăng cheăng ki kal dêi hơnăm hriâm kố cho Mơdêk hnoăng cheăng rak ngăn đăi hok, séa ngăn tŭm mâu tơdroăng ki tơkŭm po tiô troăng ki ‘nâng ‘nâi, tơƀrê, mơdêk xúa kong ngê̆ thong tin tung rak ngăn, hnê ƀă hriâm.