Hneăng hơnăm 2021-2026, Hô̆i đong hnê ngăn kuăn pơlê dêi kong pơlê Dak Lak pêi cheăng tung pơla rah xo pro rế lĕm, tơ’mot mâu tíu pêi cheăng râ kong pơlê, ƀă hên tơdroăng pơkâ ki nếo ‘na tơkŭm mâu kăn ƀă túa pêi cheăng. Tung hneăng pêi cheăng, hiăng pơkâ vâ chê 1.000 tơdroăng pơkâ ing mâu tơdroăng cheăng. Ki tơbrê tơdroăng pơkâ rế châ mơnhông tơƀrê, pêi tro khât, teăm tơdrêng tiô troăng dêi Tíu xiâm ƀă dêi Tỉnh ủi, po troăng pêi tro luât, mơnhông cheăng kâ - pơlê pơla, tơniăn cheăng lêng - kring tơniăn.

A rôh hôp, pôa Lương Nguyẽn Minh Triết, Kăn pơkuâ hnê ngăn Tỉnh ủi kong pơlê Dak Lak tối hlối khĕn kơdeăn mâu tơdroăng hiăng châ pêi pro ki Hô̆i đong kong pơlê pêi châ tơƀrê tung hneăng hdrối. Pakĭng mê, pâ thế Hô̆i đong kuăn pơlê pơtối hơ’lêh nếo, mơdêk ki tơƀrê tung pêi cheăng, pơtối rak hnoăng cheăng kuăn pơlê rah xo, ai tiô pơkâ mơnhông dêi cheăm bêng, kong pơlê tung hơnăm la ngiâ.