VOV4.Xơ Đăng - Pơtối pêi pro tơdroăng dêi roh hôp tâi tâng mâu kăn má 4, hâi lơ 26/8, a pơlê kong kơdrâm Ƀuôn Ma Thuôt, kong pơlê Dak Lak, Hô̆i đong ngăn hdroâng kuăn ngo dêi Kuô̆k hô̆i hiăng veăng êng tiâ mơnhên mâu tơdroăng ki kăn Kuô̆k hô̆i ‘na hlá mơ-eá chêh tối ‘na Luât tơnêi tíu (‘mâi hơ’lêh), kô châ mơ’no tối vâ seá mơnhên ngăn a hneăng hop má 4, Kuô̆k hô̆i hneăng 15. Ăm mâu kăn veăng tơpui tối ‘na kơxop hlá mơ-eá Luât tơnêi tíu ki ‘mâi rơnêu, mâu kăn ai tơkŭm tơpui tơno mâu tơdroăng ki ai tơdjâk troh kơpong hdroâng kuăn ngo ki iâ mơngế ƀă kơopng kong ngo.

Hô̆i đong kuăn ngo Kuô̆k hô̆i ăm mâu kăn tơpui tơno ‘mâi rơnêu Luât tơnêi tíu ki ‘mâi hơ’lêh

A roh êng tiâ mê, mâu kăn xuân hiăng tơpui tối hên tơdroăng, pâ thế hên tơdroăng cheăng pơkâ ‘na hlá mơ-eá mơnhên hnoăng rak xúa tơnêi kong ki vâ mơjiâng loăng kong, kong rak vế kơnhŏng têa, kong loăng ki xúa vâ mơjiâng tơmeăm ăm pơlê pơla; hnoăng ƀă pêi pro tơdroăng cheăng dêi kuăn pơlê ƀă tơdroăng rak, xúa tơnêi; tơdroăng ki chêl thiăn liăn ngân xua tro lŭp ‘na tơmeăm khoăng, pơtê pêi pêt mơjiâng loăng, lơ pơtê tơdroăng mơdró kâ drêng tơnêi têa mơdrếo xo tơnêi ki mê.

Nhat Lisa tơplôu ƀă tơbleăng