Sap tơdroăng hnê kuăn pơlê xúa tơdroăng pêi pro pro hlá mơ-éa tiô troăng hyôh măng, hơ’lêh nếo, hriăn plĕng ki nếo, pơ’lêh kơxô̆, troh tơdroăng veăng gum pleăng hnoăng tơná pêi cheăng drêng kong prâi ôh tá tơnăn, hên túa pêi cheăng nếo hiăng xông tơƀrê, pơtối rak hnoăng cheăng pêi, hriăn pêi ki nếo dêi đoân viên, droh rơtăm, ing mê mơhno hnoăng cheăng dêi hơnăm ối néo tung pơla mâu hơnăm xông tơƀrê nếo.

Pôa Y Giang Gry Niê Knơng, Phŏ kăn hnê ngăn Vi ƀan Măt trâ̆n Tơnêi têa Việt Nam kong pơlê Dak Lak tối, tung pơla ai tơdroăng nôkố, khu tơrŭm cheăng Đoân kal pơtối pơ’lêh nếi rơdêi tâ tiô troăng pêi pro, tơtro ƀă tơdroăng rêh ối mơnhông cheăng kâ dêi tơrêm rơxông. Ƀă ivá hlê plĕng rĕng tăng ‘nâi pêi pro mâu dêi mơngế ki rơkê ƀă Kŏng ngê̆ ki nếo, mâu hơnăm ối nếo cho mâu ngế ki rĕng tơbleăng mâu tuăn tơmiât hriĕn plĕng ki nếo, xuá ứng dụng kơxô̆ tung pêi cheăng, veăng mơnhông cheăng kâ-rêh ối pơlê pơla  ƀă mơhno hnoăng cheăng rơxông ối nếo ngế ki xiâm tung la ngiâ dêi Tơnêi têa.