VOV4.Xơ Đăng - Kơxo lơ 15/9, a Hà Nội, po hneăng hôp tơpui ‘na khoa hok ƀă tơdroăng pơxá “Rơxông nếo Việt Nam - Lếo hriâm ƀă pêi pro ƀối tiô hiâm mơno, túa cheăng Hồ Chí Minh ƀă Kăn xiâm hnê ngăn Kaysone Phomvihane” xua  Khu xiâm Đoân Droh rơtăm Kŏng sản Hồ Chí Minh tơrŭm ƀă Khu hnê tối tơdroăng kal xiâm tơkŭm po. Kố cho tơdroăng cheăng pêi ai pơxúa khât troh leh tơbâ 60 hơnăm Hâi mơjiâng tơrŭm cheăng tơpui kâ pơla Việt Nam - Lếo ƀă 45 hơnăm Hâi kĭ tơhrâ tơrŭm cheăng ƀă tơrŭm tơ-rôa pơla péa tơnêi têa Việt Nam - Lếo.

Mâu tơdroăng veăng  tối tơbleăng a rôh hôp xuân tối ‘na tuăn mơno dêi Hồ Chí Minh ƀă Kăn xiâm hnê ngăn Kaysone Phomvihane cho tơmeăm khoăng ki kơnía git dêi péa Đảng, péa tơnêi têa cho xiâm tuăn mơno, tơrŭm mơhno troăng pêi  pro dêi Đảng ƀă kăch măng péa tơnêi têa, tung mê, ai hơnăm ối nếo Viẹt Nam ƀă Lếo.

Rơtâ tá hneăng hôp

Hnoăng cheăng kal kí dêi rơxông ối nếo péa tơnêi têa Việt Nam ƀă Lếo pơtối hriâm vâ hlê trâu tâ pro tiô tuăn mơno dêi Hồ Chí Minh, Kăn xiâm hnê ngăn tơnêi têa hneăng hdrối ƀă tuăn mơno dêi pôa Kaysone Phomvihane. Mâu kăn xuân tối nhên: Rơxông ối nếo péa tơnêi tea Việt Nam - Lếo cho rơxông pơtối pêi hnoăng cheăng kăch măng, mơnhông mơdêk ƀă kum tơdroăng tơrŭm pơla péa pâ ƀă tơrŭm pơla Việt Nam - Lếo.

Gương tơplôu ƀă tơbleăng