VOV4.Xơ Đăng - Mâu hâi ki kố, a Tíu xiâm tŏng kum rêh ối pơlê pơlê kong pơlê Gia Lai, rêm râ khu kăn pơkuâ mâ râ rơtế ƀă hên mâu ngế ki ai hiâm mơno hơ-ui kum hiăng troh mơhnhôk hbru tơmeăm, tơkŭm po Trung thu vâ mâu vâi ối xĭn ki kuăn tê, ai tơdroăng rêh ối xơpá tơdah môi rôh Trung thu phâi tơtô. Nôkố Tíu xiâm tŏng kum pơlê pơla kong pơlê Gia Lai dế păn roăng 140 ngế, tung mê, ai 54 ngế hdrêng kuăn tê, tro nôu pâ lôi lơ ôh tá tíu ối, mơngế păn roăng. Mâu hâi hdrối nah hên khu ki ai hiâm mơno hơ-ui hiăng tŏng kum liăn ƀă kế tơmeăm môi tiah kơ-ƀăn kĕo, kế xah ƀă hên ki ê vâ mâu vâi o châ tơdah môi rôh Trung thu phâi tơtô môi tiah mâu vâi pú ki ê.

Hên tơmeăm hiăng châ diâp ăm mâu vâi hdrêng a tíu xiâm tŏng kum pơlê pơla kong pơlê Gia Lai drêng rôh Trung thu

Jâ Tạ Thị Anh Đào, kăn pơkuâ Tíu xiâm ăm ‘nâi: Mâu khu râ kơvâ cheăng, đoàn theh pơrá tŏng kum, hên tíu pêi cheăng hiăng troh hbru tơmeăm ăm vâi muăn, mơhnhôk mâu vâi muăn. Troh nôkố hiăng ai 8 khu lăm troh hbru tơmeăm mơhnhôk vâ mâu vâi muăn hlo hơniâp ro drêng hlo pơlê pơla kố đi đo tơmâng ngăn troh vâi muăn đi đo ai mâu ngế ki tŏng kum vâi muăn”.

Katarina Nga tơplôu ƀă tơbleăng