Hâi lơ 19/5, Kăn xiâm chêh tôm xo rơkong dêi Kuô̆k hô̆i tơkŭm po hôp ƀă khu chêh hlá tơbeăng ‘na tơdroăng dêi roh hôp má 5, Kuô̆k hô̆i hneăng 15. Rôh hôp má 5, Kuô̆k hô̆i hneăng 15 kô hôp hbrâ ƀă pơxiâm po hôp khât a hâi lơ 22/5, tiô tối mơgêi a hâi lơ 23/6 tiô tơdroăng hôp tơkŭm a Hngêi Kuô̆k hô̆i.  Rôh hôp má 5 châ po 2 rôh, rôh má 1 sap hâi lơ 22/5 troh hâi lơ 10/6 . Rôh má 2, sap hâi lơ 19 troh hâi lơ 23/6 (tơkéa vâ tối sap hâi lơ 11 troh hâi lơ 18/6, Kuô̆k hô̆i pơtê vâ mâu kơ koan Kuô̆k hô̆i, Chin phuh ƀă mâu kơ koan tơrŭm cheăng ai hâi chôu phut vâ tơmâng xo mâu tơdroăng tơpui, ’mâi rơnêu, chêh klêi tơdroăng tung  hlá mơ-éa luât, hbrâ tơdroăng Pơkâ. Tiô tối hdrối hâi chôu pêi cheăng dêi Rôh hôp ai 22 hâi.

A rôh hôp mê, Kuô̆k hô̆i séa ngăn, tơbleăng 8 tơdroăng tơkêa Luât, 3 tơdroăng tơpui ‘na Pơkâ. Pakĭng mê, Kuô̆k Hô̆i kô séa ngăn, ăm hnê tối mâu tơdroăng tối tơbleăng tối tơ’nôm tơdroăng pêi pro pơkâ mơnhông cheăng kâ - rêh ối ƀă liăn ngân tơnêi têa tung mâu khế apoăng hơnăm 2023 ƀă hía hé.