Tiô tơdroăng, kơxo, Vi ƀan pơkuâ cheăng Kuô̆k hô̆i ăm rơkong veăng tơpui ‘na kơxop hlá mơ-éa Luât ‘mâi pơhlêh, ‘mot tơ’nôm mâu tơdroăng dêi Luât Tơ’noăng, khĕn kơdeăn; Ăm rơkong veăng tơpui ‘na kơxop hlá mơéa Luât ‘mâi pơhlêh, ‘mot tơ’nôm mâu tơdroăng dêi Luât kơ koan teăng mâ tơnêi têa Kŏng hòa xah hô̆i chuh ngiah Việt Nam a kong têa ê.

Vi ƀan pơkuâ cheăng Kuô̆k hô̆i kô séa ngăn, kĭ pơkâ pơkâ thế dêi Ngế pro xiâm hnê ngăn Chin phuh ‘na tơdroăng ki ‘mot tơ’nôm Kăn teăng mâ pơkuâ tâi tâng hnoăng tơnêi têa Kŏng hòa xah hô̆i chuh ngiah Việt Nam a kong têa ê. Tơdrêng amê, hlối séa ngăn, tơbleăng tơdroăng Pơkâ dêi Vi ƀan pơkuâ cheăng Kuô̆k hô̆i pơkâ troăng hơlâ pêi cheăng tơpui kâ dêi Kuô̆k hô̆i.

Kơxê, Vi ƀan pơkuâ cheăng Kuô̆k hô̆i séa ngăn, tơbleăng Pơkâ ki ‘mâi pơhlêh, ‘mot tơ’nôm pơkâ kơxô̆ 1744 hâi 27/6/2025 dêi Vi ƀan pơkuâ cheăng Kuô̆k hô̆i ‘na Inâi Mâu ngế cheăng tung Hô̆i đong rah xo, séa ngăn ngế ai hnoăng pơkuâ tơnêi têa; Ăm rơkong tơpui tối ‘na hlá mơ-éa pơtroh dêi Kăn pơkuâ hngêi tơleăng xiâm pơtroh ăm Kuô̆k hô̆i kĭ pơkâ ‘mot tơ’nôm Ngế ki ai hnoăng pơkuâ tung hngêi tơleăng xiâm.