Hneăng hôp tơpui ‘na khoa hok dêi tơnêi têa ƀă pơxá: Hnoăng cheăng dêi khu chêh hlá tơbeăng chêh tơbleăng tơdroăng kring vế tuăn mơno dêi Đảng” châ tơkŭm po a kơxo lơ 28/10 a Hà Nội. Hneăng hôp mê châ Khu chêh tơbleăng hlá mơ-éa kal kí tơnêi têa Ki khât tơrŭm ƀă Học viện chêh hlá tơbeăng ƀă Hnê tối tơkŭm po mơjiâng. A hneăng hôp, mâu kăn ăm ‘nâi, troh nôkố, lâp tơnêi têa  ai 815 kơ koan chêh hlá tơbeăng, 57 ngế ki chêh ƀă chât rơpâu ngế chêh hlá tơbeăng, mâu ngế rah chêh tơdroăng.

Rơtâ tá hneăng hôp

Mâu kơ koan chêh hlá tơbeăng, ngế chêh tơbleăng ôh tá la lâi pơtê rế xông rơdêi, chêh mâu tơdroăng tiô chal mơnhông mơdêk tơdjuôm dêi lâp plâi tơnêi, pro hên ƀai chêh rế tơƀrê, tro tiô tơdroăng rêh ối dêi pơlê pơla, veăng ‘no hnoăng kal tung mâu tơdroăng ki kân, ai pơxúa dêi tơnêi têa. Mơhé ti mê, tâng vâ pơchông ƀă tơdroăng pơkâ mơdêk dêi tơnêi têa, hnoăng cheăng dêi ngế chêh hlá tơbeăng, ngế chêh tơbleăng tung rak vế xiâm ‘na tuăn mơno, tơplâ mơdât tơdroăng ôh tá tro, ki kơneăm xuân ối mâu tơdroăng pâ khât; kal  pơ’lêh, ‘nâi nhên troăng rơhlâ pêi pro, troăng rơhlâ pêi ki nếo, tơ ƀrê.

Ing mê, vâ pơtối rak vế hnoăng cheăng, ki rơdêi dêi tơná tung troăng rơhlâ tơpui tối, kâi pro xiâm dêi tơdroăng rêh ối tuăn ngôa, klâi ƀlêi tơplâ ‘na tuăn mơno, kring vế krá tuăn mơno dêi Đảng, tơplâ mơdât mâu tơdroăng ki ôh pá tro, ki kơneăm.