Tung pái hâi, sap hâi lơ 1 troh lơ 4/11, a tơring Kon Plông, kong pơlê Kon Tum, Khu hnê mơhno cheăng dêi tơnêi têa ‘na hbrâ vía xía vâ xua kong prâi pro ôh tá tơniăn tơkŭm po hneăng hôp hnê mơdêk pêi mâu tơdroăng cheăng ăm mâu kăn ƀô̆ pêi hnoăng cheăng hbrâ mơdât xía vâ kong prâi pro ôh tá tơniăn a râ cheăm.

Diâp tơmeăm ăm khu pêi hnoăng cheăng hbrâ ví xía vâ kong prâi pro ôh tá tơniăn

Mâu ki hriâm châ hriâm mâu tơdroăng kal tung “Kơxop hlá mơ-éa hnê hriâm hbrâ ví xía vâ  kong prâi pro ôh tá tơniăn a râ cheăm”. Rôh kố, mâu ngế rơkê tối nhên, tơbleăng troăng rơhlâ vâ mâu kăn, khu râ pơkuâ cheăng hbrâ ví  tơdroăng tơnêi tơhnâp tung kong pơlê. Rôh kố, Khu hnê mơhno dêi Tơnêi têa ‘na hbrâ ví xía vâ kong prâi pro ôh tá tơniăn xuân hiăng diâp ăm tơmeăm ăm mâu Khu pêi hnoăng cheăng hbrâ ví xía vâ kong prâi pro ôh tá tơniăn a mâu kong pơlê: Kon Tum, Gia Lai, Dak Lak, Dak Nông, Lâm Đồng ƀă Quảng Nam.