VOV4.Xơ Đăng - Kơxê lơ 22/9, Hô̆i đong kong pơlê Dak Lak hneăng má X, hneăng hơnăm 2021 – 2026 tơkŭm po Hneăng hôp tơdroăng roh má tơdrốu vâ tơkŭm tâ phĭu rah xo tơ’nôm Kăn hnê ngăn Hô̆i đong kong pơlê hneăng má X. Pơtối mê, ƀă kơxô̆ phĭu môi tuăn 91,89%, jâ Huỳnh Thị Chiến Hòa – Kăn cheăng tung Khu pơkuâ tơdroăng cheăng Đảng kong pơlê, Kăn pơkuâ pơtâng hnê tối tơdroăng kal cheăng Đảng kong pơlê hiăng châ rah xo pro Kăn hnê ngăn Hô̆i đong kong pơlê Dak Lak hneăng má X, hneăng hơnăm 2021 – 2026.

Jâ Huỳnh Thị Chiến Hòa châ rah xo pro Kăn hnê ngăn Hô̆i đong kong pơlê Dak Lak hneăng má X, hneăng hơnăm 2021 – 2026

Jâ Huỳnh Thị Chiến Hoà kot mâ hơnăm 18/4/1973, pơlê xiâm Quảng Ngãi; hriâm Cử nhân Kinh tế đối ngoại; hriâm Lý luận Chính trị Cao cấp. Jâ Hòa hdrối pro kăn: Kăn phŏ pơkuâ Khu pơkâ túa cheăng ƀă Mơ’no liăn cheăng kong pơlê Dak Lak; Kăn pơkuâ Khu pơkuâ tơdroăng kong têa ê Dak Lak; Kăn cheăng tung Khu pơtâng hnê tối tơdroăng kal kơvâ Đảng Dak Lak.

A Sa Ly tơplôu ƀă tơbleăng