VOV4.Xơ Đăng - Hâi lơ 21/7, a tíu pêi cheăng Tíu xiâm Đảng, jâ Trương Thị Mai, Ngế cheăng tung Khu xiâm pơkuâ tơdroăng kal kí, kăn pơkuâ ngăn Tíu xiâm Đảng, kăn xiâm khu tơrŭm Tơnêi têa, Kăn hnê ngăn Khu kăn Kuô̆k hô̆i tơrŭm tơroâ Việt Nam – Nhuk hiăng tơdah kăn xiâm xiâm hnê ngăn Hô̆i đong kuản trĭ Hngêi rak liăn Tơrŭm cheăng kong têa Nhuk JBIC Maeda Tadashi. A rôh tơdah, jâ Trương Thị Mai tối nhên, Việt Nam dế tơbleăng tơdroăng pơkâ Hneăng hôp kân 13 dêi Đảng, mơ-eăm vâ pêi châ mâu tơdroăng pơkâ chiâng kong têa mơnhông a tơdế chal 21, tối nhên tơdroăng pêi pro troăng hơlâ tơpui kâ tơniăn krê, hơniâp lĕm, tơrŭm tơroâ, tơrŭm ƀă mơnhông mơdêk, hên kơvâ cheăng, hên tơdroăng tơrŭm cheăng. Tung mê, tâi ivá ngăn nhuô̆m tơrŭm cheăng la ngiâ ƀă Nhuk.

Tơdrêng amê jâ Trương Thị Mai pơkâ thế JBIC pơtối mơdêk troăng tơpui kâ pơla JBIC ƀă mâu kơ koan Việt Nam, mơdêk tơrŭm cheăng ƀă mâu kơ koan Chin phuh Việt Nam, tơdrêng amê hlối hriăn ngăn po rơdâ mâu kơxô̆ liăn mung ăm mâu khu mơdró kâ Việt Nam lơ mâu khu tơrŭm cheăng tê mơdró Nhuk – Việt Nam rơtế tơrŭm cheăng ‘no liăn a Việt Nam.

Katarina Nga tơplôu ƀă tơbleăng