VOV4.Xơ Đăng - Pơtối Hneăng hôp lâp tơnêi têa hriăn plĕng, hriâm tâp, hlê plĕng trâu ƀă tŭm pơkâ Hneăng hôp roh má 5 Khu xiâm pơkuâ Đảng hneăng má 13, kơxo lơ 22/7, Hneăng hôp tơmâng jâ Trương Thị Mai, Kăn cheăng tung Khu xiâm kal kí, Kăn xiâm pơkuâ hnê ngăn cheăng Đảng, Kăn xiâm pơkuâ ‘na rah xo kăn ƀô̆ xiâm tơnêi têa tối ‘na Pơkâ kơxô̆ 21 ‘na thăm rak tơniăn mơjiâng khu pêi cheăng Đảng ƀă mơdêk ki dâi lĕm tung khu đảng viên tung hneăng nếo.

‘Na hnoăng cheăng, troăng pêi tung la ngiâ, ƀă tơdroăng rak tơniăn, mơdêk ivá pơkuâ, ivá tơplâ dêi khu pêi cheăng Đảng, tơdroăng pêi cheăng apoăng cho pơ’lêh nếo, pêi kêi đeăng tơniăn khu pêi cheăng tung Đảng. ‘Na mâu hnoăng cheăng ki xiâm pêi pro Pơkâ 21, jâ Trương Thị Mai tối nhên, hriăn plĕng, pêi pro tiô pơkâ tơtro ƀă pơkâ nôkố dêi kơ koan, khu pêi cheăng, kong pơlê, tíu cheăng, hlối pêi pro Mơgêi 21 ‘na mơjiâng, rak tơniăn Đảng.

A Sa Ly tơplôu ƀă tơbleăng