A Tíu pêi cheăng xiâm Đảng, jâ Trương Thị Mai, Hnê mơhno má môi Khu pơkuâ hnê ngăn cheăng Đảng, Kăn xiâm tơkŭm po tơdroăng tơnêi têa hiăng pơkuâ Hneăng hôp tơpui tơno pơla Khu râ kăn teăng mâ Đảng pin ƀă Khu râ Kăn Đảng Kăch măng dó inâi CCM pơkuâ a Tanzania xua pôa Abdulrahman Omar Kinana, Kăn xiâm phŏ hnê ngăn Đảng CCM pơkuâ djâ.

Jâ Trương Thị Mai tối nhên Việt Nam phiu ro châ hlo mâu tơdroăng ki châ tơƀrê ki kong têa Tanzania châ tơƀrê ing pơkuâ dêi Đảng CCM tung mơnhông mơdêk cheăng kâ, xăm kơklêa kơdroh kơtiê, ai veăng hên tung tơdroăng mơjiâng môi kơpong peăng mâ hâi lo Châu Phi hơniâp lĕm, tơniăn ƀă mơnhông mơdêk.

Tung tơdroăng trâm dêi pó nhŏng o, péa pâ môi tuăn thăm krá tơniăn tâ mê nếo tơrŭm cheăng pơla péa Đảng, mơjiâng tơdroăng cheăng kal kí krá tơniăn vâ thăm pêi pro tơrŭm cheăng pơla péa pâ. Khu râ kăn pơkuâ péa Đảng môi tuăn thăm tơpui tơno lĭ luâ̆n ƀă tơdroăng nôkố pơkuâ tơnêi têa; thăm tơrŭm hnê mơjiâng ƀă hnê tơ’nôm kăn ƀô̆; mơjiâng tơ’lêi hlâu ăm mâu tơdroăng tê mơdró, mơ’no liăn cheăng; mơhnhôk tơrŭm mơhno khôi túa lĕm tro, trâm mâ pơla kuăn pơlê, xua pơxúa dêi rêm Đảng, rêm tơnêi têa, xua hơniâp lĕm, tơniăn, tơrŭm ƀă mơnhông mơdêk.