VOV4.Xơ Đăng - Kơxo lơ 19/9, jâ Võ Thị Ánh Xuân, Kăn xiâm phŏ hnê ngăn tơnêi têa veăng a leh tơbâ 60 hơnăm Hâi mơjiâng dêi Lưh đoân 962, Kuân khu 9 (19/9/1962-19/9/2022). A rôh leh tơbâ kố, Drêng tơbâ 60 hơnăm Hâi mơjiâng Lưh đoân 962, hiăng tơdah xo kơthô rơkâu dêi pôa Phan Văn Giang, ngế xiâm pơkuâ ngăn lêng.

Jâ Võ Thị Ánh Xuân a leh tơbâ 60 hơnăm Hâi mơjiâng dêi Lưh đoân 962

Teăng mâ khu pơkuâ ngăn Đảng lêng Tơnêi têa, Khu xiâm pơkuâ ngăn lêng, Ngế cheăng tung tíu xiâm kal kí, ngế xiâm pơkuâ ngăn lêng, Đăi tươ̆ng Phan Văn Giang hiăng pơtroh rơkong rơkâu tơniăn lĕm má môi troh tâi tâng sih quan, quân nhân ki rơkê, hạ sih quan, ƀinh sih hiăng ƀă dế pêi cheăng a Lưh đoân 962, Kuân khu 9. Jâ Võ Thị Ánh Xuân hiăng diâp um Hồ chí Minh ăm kăn ƀô̆, lêng Lưh đoân 962, Kuân khu 9.

Drêng kố, Khu xiâm pơkuâ ngăn lêng ƀă Vi ƀan hnê ngăn kong pơlê An Giang xuân hiăng diâp Ƀâng khĕn kơdeăn ăm Lưh đoân 962, Kuân khu 9 ‘na tơdroăng ki rơkê tung hbrâ mơdât pơreăng COVID-19, rak vế gak kring cheăng kal kí, rak tơniăn lâp pơlê pơla, tíu tơkăng kong tung pơla hdrối mê hía nah.

Katarina Nga tơplôu ƀă tơbleăng