VOV4.Xơ Đăng - Kong măng lơ 8/9, jâ Võ Thị Ánh Xuân, Kăn xiâm phŏ hnê ngăn tơnêi têa, kăn hnê ngăn Hô̆i đong Khu râng liăn tŏng kum vâi hdrêng Việt Nam rơtế ƀă khu kăn ki pêi dêi hnoăng cheăng dêi Tơnêi têa hiăng veăng a kong măng khế mơniâ ƀă hbru tơmeăm ăm hok tro hngêi trung phôh thong hdroâng kuăn ngo ai tíu kâ koi ối pơtê râ má péa tơring Văn Yên, kong pơlê Bái rơtế ƀă khu kăn teăng mâ mâu vâi o ai tơdroăng rêh ối xơpá, hok tro chó chêng tơvê kŏng a tơring, rơtế veăng tung mâu tơdroăng ki hơiâp ro Têt Trung thu môi tiah lăm ngăn, mơnúa ngăn tơdroăng ki hơnăm ối xĭn, ngăn kơhnhon xuâng prếo ƀă hên ki ê.

Jâ Võ Thị Ánh Xuân, Kăn xiâm phŏ hnê ngăn tơnêi têa ƀă kăn pơkuâ kong pơlê Yên Bái hbru tơmeăm ăm mâu vâi

Drêng Têt Trung thu hơnăm 2022, jâ Võ Thị Ánh Xuân hiăng diâp 400 rơtuh liăn ăm vâi o ki ai tơdroăng rêh ối xơpá a kong pơlê Yên Bái; diâp 20 hnoăng liăn hriâm rơkê ăm hok tro Hngêi trung râ má pái hdroâng kuăn ngo ai tíu kâ koi ối pơtê râ má péa tơring Văn Yên. Khu râng liăn tŏng kum vâi hdrêng Việt Nam diâp 100 hnoăng liăn hriâm rơkê rơtế ƀă 30 toăng rơxế mái ăm hok tro dêi hngêi trung.

Jâ Võ Thị Ánh Xuân veăng hơniâp ro ƀă mâu vâi o

Khu ngăn mâu ngế ki chó chêng tơvê kŏng vâi hdrêng kuăn tê Việt Nam diâp tơmeăm ăm 50 ngế hok tro. Khu râng liăn tŏng kum vâi hdrêng kong pơlê diâp 20 hnoăng tơmeăm ăm hok tro ki ai tơdroăng rêh ối xơpá, hok tro chó chêng tơvê kŏng a tơring.

Katarina Nga tơplôu ƀă tơbleăng