Jâ Võ Thị Ánh Xuân, Phŏ Kăn xiâm hnê ngăn tơnêi têa diâp Mê dai ai hnoăng tơplâ ối má Pái ăm Trung đoân 375
Thứ sáu, 10:00, 28/03/2025
Tơplôu: Gương/VOV
Tơplôu: Gương/VOV
VOV4.Xơ Đăng - Kơxô̆ hâi lơ 27/3, a Hà Nội, Khu xiâm pơkuâ ngăn Kring gak tơkŭm po leh tơbâ 50 hơnăm Hâi mơjiâng Trung đoân 375 (28/3/1975- 28/3/2025) ƀă tơdah Mê dai ai hnoăng tơplâ ối má Pái.
Diâp Mê dai ai hnoăng tơplâ ối má Pái ăm Trung đoân 375 ƀă tối tơbleăng a rôh leh tơbâ, jâ Võ Thị Ánh Xuân, Phŏ kăn xiâm hnê ngăn tơnêi têa rơkâu ƀă khĕn kơdeăn ki mơ-eăm, mâu hnoăng veăng ‘no ki kal ki mâu rơxông kăn pơkuâ, hnê djâ, kăn ƀô̆, mâu lêng Trung đoân 375 - Khu xiâm pơkuâ lêng kring gak hiăng pêi châ tơƀrê tung mâu hơnăm hdrối.
Kăn xiâm phŏ hnê ngăn tơnêi têa tối nhên, hơnăm 2025 cho hơnăm mơ’nui hneăng, ai pơxúa kal khât; cho hơnăm tơbâ mâu hâi leh kân dêi tơnêi têa; tơkŭm po hneăng hôp Đảng ƀô̆ rêm râ ƀă tơnêi tơníu, mâu tơdroăng cheăng, tung mê ai khu lêng Kŏng an kuăn pơlê tiô troăng hơlâ pro rế lĕm, rah iâ mơngế pêi cheăng tơnêi têa, pêi cheăng tơbrê ai pơxúa.
Viết bình luận