Kơxê măng lơ 4/7, Kăn hnê ngăn Vi ƀan kong pơlê Lâm Đồng hiăng ai hlá mơ-éa pơtroh Khu pơkuâ ngăn tơdroăng ki hbrâ ví ƀă kong mêi khía mơhot ƀă tí tăng xo mâu ngế xơpá, kăn pơkuâ mâu kơ koan ƀă Vi ƀan hnê ngăn mâu tơring, pơlê kong kơdrâm tung kong pơlê hbrâ rơnáu hbrâ mơdât ƀă mâu tơdroăng ki tơhnah tơhnâp tơnêi, rak vế tơniăn châ chăn ƀă kế tơmeăm ăm kuăn pơlê hdrối, tung pơla kong mê khía mơhot.

Vâ tơniăn châ chăn, kơdroh iâ má môi ‘na ki hlâ rong, tơ’nhiê kế tơmeăm ăm kuăn pơlê ƀă kế tơmeăm hngêi trăng troăng klông, malối cho tung pơla kong mêi hngê khía mơhot hơnăm 2023, Kăn hnê ngăn Vi ƀan kong pơlê Lâm Đồng pơkâ thế mâu tíu pêi cheăng hbrâ hnê mơhno, tơbleăng hnoăng cheăng hbrâ ví khía mơhot têa kân lân lu tối tơdjuôm ƀă tơhnah tơhnâp tơnêi tối krê.

Pơtối pei pro kơtăng, tŭm, teăm tơdrêng, tro ƀă tơdroăng ki ai khât ƀă ăm gá tơƀrê khât mâu tơdroăng ki kal, hnoăng cheăng tiô hnê mơhno dêi khu pơkuâ ngăn Đảng ƀă lối chât kơtâ mơ-éa hnê mơhno dêi Vi ƀan hnê ngăn kong pơlê hdrối mê. Pôi tá tơngôu tung hnoăng cheăng hbrâ ví ƀă kong mê khía mơhot têa kân lân lu ƀă tŏng xo mâu ngế hliăng tiâ.