Khu râ kăn hiăng séa ngăn kơpong tâ phĭu kơxô̆ 8 cheăm Ea Ñuôl; kơpong tâ phĭu kơxô̆ 60 ƀă 61 bêng Buôn Ma Thuột; kơpong tâ phĭu kơxô̆ 21 bêng Tân Lập. Kố cho mâu tíu tâ phĭu kơdrâm mơngế tâ phĭu cho kuăn pơlê hdroâng kuăn ngo ƀă mơngế tâ phĭu ai tiô khôp xua mê tơdroăng hbrâ châ pơkâ pêi pro tơniăn, rak vế tro tiô pơkâ.

A mâu tíu séa ngăn, pôa Lương Nguyễn Minh Triết, Kăn pơkuâ hnê ngăn cheăng Đảng rơtế khu râ kăn pêi cheăng tơdrêng séa ngăn kế tơmeăm khoăng, troăng xing xoăng kơpong tâ phĭu, tơdroăng pơtâng tối, rak tơniăn gâk kring ƀă tơdroăng vâ gum mơngế tâ phĭu tung hâi tâ phĭu.

Kăn pơkuâ hnê ngăn cheăng Đảng kong pơlê Dak Lak pơkâ thế Vi ƀan tâ phĭu mâu cheăm bêng pơtối séa ngăn nhên mâu kơpong tâ phĭu, hbrâ tŭm troăng pêi vâ hbrâ tơveăng gum mâu tơdroăng ki nếo ai ‘na tơdroăng gâk kring tơniăn, kong prâi pro ôh tá tơniăn lơ pơreăng; tơdrêng amê đi đo tơ’nôm tơdroăng nếo, ‘nâi inhên tơdroăng a cheăm, bêng.