VOV4.Xơ Đăng - Drêng tơbâ 77 hơnăm Hâi mơjiâng tơnêi têa Kŏng hoà xah hô̆i chuh nghiah Việt Nam, kơxo lơ 31/8, khu kăn pơkuâ ngăn Đảng pơlê kong kân, Hô̆i đong hnê ngăn, Vi ƀan hnê ngăn, Vi ƀan Măt trâ̆n Tơnêi têa Việt Nam Pơlê kong kân Hồ Chí Minh xua pôa Nguyễn Văn Nên, Ngế cheăng tung tíu xiâm kal kí, Kăn pơkuâ ngăn Đảng Pơlê kong kân Hồ Chí Minh pro kăn pơkuâ khu kăn kố hiăng troh chôu nhăng, pleăng reăng tơbâ pôa Hồ Chí Minh, prế pôa Tôn Đức Thắng.

A Tíu ‘măn rak kế tơmeăm khoăng Hồ Chí Minh – Tíu ki pro a Pơlê kong kân Hồ Chí Minh, khu kăn kố hiăng chôu nhang, pleăng reăng tơbâ kăn xiâm hnê ngăn tơnêi têa pin hneăng hdrối cho pôa Hồ Chí Minh, mơdoh chôu tu ko tơbâ troh hnoăng cheăng dêi Pôa Hồ ƀă tơdroăng cheăng kăch măng khên tơnôu dêi Đảng ƀă hdroâng mơngế. Pơtối mê, khu kăn kố hiăng chôu nhăng, pleăng reăng ăm kăn xiâm hnê ngăn tơnêi têa Tôn Đức Thắng a tíu tơbâ Tôn Đức Thắng.

Pôa Nguyễn Văn Nên chôu nhăng tơbâ pôa Hồ Chí Minh

Akố, mâu kăn mơdoh chôu tu ko tơbâ ngế kăn pơkuâ dêi yai kâp kong nhân, môi ngế ki djâ troăng ahdrối ‘na tơdroăng ki tơdrăng, tâi hiâm mơno xua tơdroăng ki kum ăm kăch măng, kum kuăn pơlê.

Katarina Nga tơplôu ƀă tơbleăng