VOV4.Xơ Đăng - Leh tơbâ 75 hơnăm hâi mâu lêng rong râ -hlâ hía, kơxo lo 26/7, khu kăn xiâm Đảng, Kuô̆k hô̆i, Tơnêi têa, Chin phuh, Vi ƀan xiâm Măt trâ̆n tơnêi têa Việt Nam hiăng ‘măn hơvĭng reăng, chôu nháng tơbâ mâu ngế hlâ ai hnoăng a Tíu chêhtơbâ, mâu ngế hlâ ai hnoăng tơnêi têa (troăng Bắc Sơn, Hà Nội) ƀă hlối ‘măn hơvĭng reăng, mot a Hngêi ‘măn poăng Pôa Hồ Chí Minh, Kăn xiâm hnê ngăn tơnêi têa ki apoăng.

Kăn xiâm Đảng tơnêi têa lăm pôu tơbâ Pôa Hồ Chí Minh, Kăn xiâm hnê ngăn tơnêi têa ki apoăng

Tung chôu phut phiu ro nhoăm pâ, mâu kăn hiăng tơmiât troh mâu ngế kuăn ki tơplâ khên tơnôu dêi hdroâng mơngế pin hiăng pleăng hnoăng tơná tơplâ ta troh hlâ, xua vâ pro tơleăng lĕm hdroâng mơngế, rak tơniăn ăm tơnêi têa, xua chuh ngiah xah hô̆i ƀă xua hnoăng cheăng pêi dêi lâp plâi tơnêi. Hơvĭng reăng dêi khu ai chêh chư ‘’Đi đo pâ mâu ngế hlâ ai hnoăng tơnêi têa”.

Tíu meăn um tơbâ inâi mâu ngế hlâ xua ai hnoăng tơnêi têa hâi kố châ hlo to reăng lâp lu dêi mâu ngế mâu khu troh pleăng

Xuân tung hâi ki mê, mâu kăn dêi Khu lêng xiâm tơnêi têa, Khu xiâm pơkuâ ngăn lêng ; Đảng ủy Kŏng an xiâm tơnêi têa, Khu xiâm kŏng an, Khu xiâm ngăn cheăng pêi - Mố đô̆i rong ƀă pơlê pơla; pơlê kong kân Hà Nội... mâu kơvâ cheăng khu grup, mâu khu tơrŭm cheăng tung tơnêi têa ƀă lâp plâi tơnêi hiăng troh ‘măn hơvĭng reăng, tơbâ troh mâu ngế hlâ ai hnoăng a Tíu meăn um tơbâ inâi mâu ngế hlâ ai hnoăng xua tơplâ mot a hngêi ‘măn poăng Pôa Hồ Chí Minh Kăn xiâm hnê ngăn tơnêi têa ki apoăng.

Gương tơplôu ƀă tơbleăng