VOV4.Xơ Đăng - Kơxo lơ 29/7, a Hngêi Kuô̆k hô̆i, Vi ƀan ngăn ‘na Luât pêi cheăng ƀă mâu khu xiâm kơvâ cheăng tơdjâk troh mâu tơdroăng kal ki tơdjâk troh ‘mâi hơ’lêh, tơ’nôm tung Pơkâ kơxô̆ 1210 dêi Vi ƀan pơkuâ cheăng Kuô̆k hô̆i ‘na klâ túa kơphô̆ ƀă Pơkâ 1211 ‘na tơdroăng pơkâ dêi tíu pêi cheăng tơnêi têa ƀă klâ pơxá túa pêi cheăng tơnêi têa. Tơbleăng a rôh pêi cheăng, pôa Vương Đình Huệ, Kăn xiâm hnê ngăn Kuô̆k hô̆i tối nhên, tơdroăng klâ tíu pêi cheăng tơnêi têa chiâng tíu pêi cheăng tiô chôu, tơkŭm khu kăn pơkuâ kong pơlê; ‘na klâ túa kơphô̆, ki khât gá mâu kong pơlê xuân tối thế ‘mâi hơ’lêh 2 tơdroăng pơkâ mê.

Tâ tá hneăng hôp

Pôa Vương Đình Huệ, Kăn xiâm hnê ngăn Kuô̆k hô̆i pơkâ thế: klâ túa pêi cheăng tơnêi têa pêi tiô chôu hlối ai ki môi tuăn bu bối dêi tơnêi têa, la ai mâu tơdroăng cheăng pêi krê xêh; kal thế tí tăng ‘nâi plĕng ki xiâm, ai pơkâ tơdroăng cheăng, rak tơniăn môi tuăn tâi tâng tung lâp tơnêi têa, klêi mê, klâ xoăng tiô râ ăm mâu kăn rêm râ pêi pro.

Gương tơplôu ƀă tơbleăng