VOV4.Xơ Đăng - Kơxê lơ 24/7, a Hà Nội, pôa Vương Đình Huệ, Kăn xiâm hnê ngăn Kuô̆k hô̆i hiăng veăng Hôp tơbleăng Pơkâ dêi ngế xiâm kal ngế ƀă Pơkâ dêi Vi ƀan pơkuâ cheăng Kuô̆k hô̆i ‘na tơdroăng kăn ƀô̆ pêi cheăng. A rôh hôp, Ngế phŏ Khu tơkŭm cheăng xiâm tơnêi têa, Ngế pơkuâ cheăng ngăn ‘na mâu kăn Nguyễn Thị Thanh tơbleăng Pơkâ dêi Khu xiâm kal kí ‘na tơdroăng rah xo pôa Ngô Văn Tuấn pơtế veăng tung Khu kăn, Kăn pơkuâ cheăng, pơtê pro kăn Hnê ngăn Đảng ủy kong pơlê Hòa Bình, Ngế pơkuâ mâu kăn Kuô̆k hô̆i kong pơlê Hòa Bình pơcháu cheăng pro kăn hnê ngăn Đảng, Ngế pơkuâ tung khu Đảng cheăng ‘na ngăn liăn Tơnêi têa; Pơkâ dêi Vi ƀan pơkuâ cheăng Kuô̆k hô̆i rah xo pôa Ngô Văn Tuấn pro Ngế xiâm Phŏ ngăn ‘na riân liăn ngân tơnêi têa.

Tơbleăng a rôh hôp, pôa Vương Đình Huệ, Kăn xiâm hnê ngăn Kuô̆k hô̆i pơkâ thế pôa Ngô Văn Tuấn rĕng tí tăng ‘nâi plĕng mâu tơdroăng cheăng, rơtế ƀă khu kăn Đảng, Đảng ủy, mâu kăn cheăng Riân ngăn liăn ngân Tơnêi têa pơkâ tơkŭm pêi mâu hnoăng cheăng châ pơcháu.

Gương tơplôu ƀă tơbleăng