Kơxo lơ 20/11, a Hngêi Kuô̆k hô̆i po leh pơxiâm hôp rôh má 4, Kuô̆k hô̆i hneăng 15 xua pôa Vương Đình Huệ, Kăn xiâm hnê ngăn Kuô̆k hô̆i pơkuâ. Tiô tối hdrối tung 21 hâi pêi cheăng, Kuô̆k hô̆i kô séa ngăn, ăm hnê tối ƀă pơkâ hên tơdroăng ki kal tung mâu tơdroăng tơdjâk troh cheăng kâ - rêh ối ƀă liăn ngân tơnêi têa; séa ngăn, tơbleăng 07 tơdroăng tơkêa Luât, 03 tơdroăng chêh pơkâ ai pơkâ tiô luât; tơpui tơno, ăm hnê tối 07 tơdroăng luât ki ê.

Tơbleăng a hâi hôp, pôa Vương Đình Huệ, Kăn xiâm hnê ngăn Kuô̆k hô̆i tối, xua  pơkuâ hnê mơhno ‘ló tro, rơkê, teăm tơdrêng dêi Đảng ƀă Tơnêi têa; pơkâ tơtro, hbrâ ƀă séa ngăn tơƀrê dêi Kuô̆k hô̆i; hnê mơhno, pơkuâ trâu rơdâ, kơtăng dêi Chin phuh, Ngế pro xiâm hnê ngăn Chin phuh; tơrŭm môi tuăn, tơrŭm krá dêi rêm râ, mâu kơvâ cheăng.

Tơdroăng tung tơnêi têa tung 9 khế hơnăm 2022 pêi hlo tơƀrê. Mơdêk GDP 9 khế châ 8,83% hên má môi riân sap ing hơnăm 2011 troh nôkố; mâu kơpong dêi tơdroăng cheăng kâ xuân hlo mơnhông mơdêk ƀă tâk hên.

VOV