Tơpui a rôh pêi cheăng, Kăn xiâm hnê ngăn Kuô̆k hô̆i ăm ‘nâi, rôh lăm ngăn, séa ngăn kố cho vâ mơnhên tối tŭm têk tơdroăng pơkuâ, hnê mơhno dêi Khu pơkuâ ngăn Đảng ủi mâu kơ koan Đảng Tơnêi têa tung tơbleăng pêi pro Pơkâ Hneăng hôp XVI dêi Đảng – mơ-éa ki kal tung la ngiâ, troăng tơmiât mơnhông tơnêi têa tung hneăng ki nếo.

Tơdroăng ki kal dêi rôh séa ngăn cho tơkŭm tung tơdroăng ki hriăn ngăn, hriâm tâp, pơkâ pêi kơtăng ƀă hnê tối pêi tơdroăng Pơkâ; tơdroăng mơjiâng, tơbleăng pêi tơdroăng pêi pro Pơkâ; hlối pêi pro nhên mâu tơdroăng ki pêi pro tơƀrê, xuân môi tiah pêi pro tá hâi tơƀrê, xơpá, tơvâ tung pơla pêi.

Pakĭng mê, khu kố ối lăm ngăn, séa ngăn cheăng pơkuâ, hnê mơhno tơbleăng pêi pơkâ kơxô̆ 46 dêi Khu xiâm pơkuâ tơdroăng kal kí ‘na pơkuâ rôh tâ phĭu pôk kăn Kuô̆k hô̆i hneăng XVI ƀă tâ phĭu pôk kăn Hô̆i đong hnê ngăn kuăn pơlê rêm râ pơla hơnăm 2026–2031.