VOV4.Xơ Đăng - Kơxê măng lơ 25/7, a kong pơlê Quảng Ngãi, pôa Vương Đình Huệ, kăn xiâm hnê ngăn Kuô̆k hô̆i pôu ƀă pêi cheăng a Kŏng ti Tơlo liăn Hrik pơhriâ têa châu Bình Sơn. Tơpui a rôh pêi cheăng, pôa Vương Đình Huệ, kăn xiâm hnê ngăn Kuô̆k hô̆i tối nhên, Mơdêk kơxô̆ rak vế; mơdêk têa châu têa kơxăng ƀă mơdêk xúa mâu troăng khoa hok ƀă kong ngê̆ vâ veăng kum mơdêk ki rơkê tung pêi cheăng, kơlo tơniăn, dâi lĕm dêi têa châu, kơdroh kơxô̆ liăn hrik pơhriâ, rak vế tơdroăng rêh ối ăm kăn ƀô̆, kŏng nhân viên chưk.

Kăn xiâm hnê ngăn Kuô̆k hô̆i tơdrêng amê hlối mơnhên tối khât hnoăng cheăng dêi Grup pơkuâ têa châu têa kơxăng Việt Nam, tung la ngiâ, pơkâ thế Grup têa châu, têa kơxăng Việt Nam: Tơkŭm liăn vâ pêi klêi tơdroăng pơkâ tung la ngiâ mơnhông kơvâ têa châu Việt Nam prế PVN troh hơnăm 2025; troăng ngăn troh hơnăm 2035; tơbleăng tơdâng tơ’mô tơdroăng pơkâ khu mơdró kâ dêi PVN, rak vế mơdêk tơƀrê liăn hiăng châ ‘no cheăng xuân môi tiah mơjiâng tơnêi tơníu; mơnhông ki kơnía dêi têa châu vâ mơdêk ai ivá tơxup tơbriât tơrêm hvêa chêng prôk ƀă tối nhên hnoăng cheăng dêi  Petrovietnam a kong têa ê.

Katarina Nga tơplôu ƀă tơbleăng