VOV4.Xơ Đăng - Kơxê lơ 28/9, pôa Vương Đình Huệ,Kăn xiâm hnê ngăn Kuô̆k hô̆i hiăng tơdah Đăi tươ̆ng Singsuk Singpai, Kăn xiâm phŏ hnê ngăn Má môi Kuô̆k hô̆i râ má môi dêi kong têa Siam pơkuâ djâ khu kăn dế pôu pêi cheăng a tơnêi têa pin, pêi cheăng vâ tí tăng ‘nâi plĕng tơdroăng hbrâ mơdât  ƀă séa ngăn tơdroăng kâ kơluâ liăn ngân a Việt Nam.

Tơpui ‘na tơdroăng cheăng hbrâ mơdât kâ kơluâ, pro ôh tá tro, pôa Vương Đình Huệ, Kăn xiâm hnê ngăn Kuô̆k hô̆i tối nhên, kố cho tơdroăng cheăng pêi ki kal dêi Đảng, tơnêi têa Việt Nam. Kăn xiâm hnê ngăn Kuô̆k hô̆i tối tiah kố, Kuô̆k hô̆i Việt Nam hiăng ai mâu hnoăng veăng ‘no ki kal tung cheăng hbrâ mơdât kâkơluâ, hlối tối nhên, kố cho tơdroăng ki Kuô̆k hô̆i péa tơnêi têa kô mơdêk tơrŭm krá tung la ngiâ.

Kăn xiâm hnê ngăn Kuô̆k hô̆i tơdah Kăn xiâm phŏ hnê ngăn Kuô̆k hô̆i  râ má môi kong têa Siam

Pôa Singsuk Singpai púi vâ, tơrŭm cheăng pơla péa tơnêi têa ƀă kuăn pơlê péa tơnêi têa rế mơnhông krá tâ nếo; péa khu kăn Kuô̆k hô̆i tơrŭm cheăng péa tơnêi têa mơdêk lăm pôu, trâm mâ, tơpui tơno tơdroăng cheăng.

VOV/Tơplôu: Gương