VOV4.Xơ Đăng -  Kơxê lơ 11/8, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i  hiăng veăng hôp Tơpui tơno veăng hnê tối mâu tơdroăng dêi rôh hôp Kuô̆k hô̆i  (‘mâi hơ’lêh)  xua Tíu xiâm ti tăng ‘nâi plĕng ‘na luât ƀă Ƀơ rô Kuô̆k hô̆i  tơkŭm po. Tơbleăng a rôh tơpui tơno, pôa Vương Đình Huệ tối, rôh hôp mê cho tơdroăng pêi pro khât dêi Kuô̆k hô̆i.

Pôa Vương Đình Huệ, Kăn xiâm hnê ngăn Kuô̆k hô̆i  veăng hôp ƀă tối tơbleăng a rôh hôp tơpui tơno

Pơla hdrối nah, hiăng ai hên tơdroăng kal chêh tơdroăng pơkâ rôh hôp châ pâ hnê tối dêi Kuô̆k hô̆i  ăm mơnúa pêi vâ hmâ ƀă tơdroăng tâ tú dêi pơreăng Covid-19 ƀă tơdroăng ki ai khât. Pơtối pêi tung pơla ‘mâi rơnêu, mâu kơ koan dêi Kuô̆k hô̆i  hiăng mơ-eăm, thâ tí tăng ‘nâi pleăng châ tung hlá mơ-éa, tơkŭm po hên hneăng hôp, tơpui tơno, pơtroh pâ veăng hnê tối dêi hên kơ koan. khu tơrŭm cheăng vâ chêh klêi hlá mơ-éa Pơkâ rôh hôp Kuô̆k hô̆i  (‘mâi hơ’lêh). Hlá mơ-éa chêh hiăng châ Vi ƀan ngăn ‘na Luât séa ngăn tâi tâng ƀă pơtroh ăm Vi ƀan pơkuâ cheăng Kuô̆k hô̆i  ăm veăng hnê tối roh apoăng a rôh hôp má 11 a khế 5/2022.

Gương tơplôu ƀă tơbleăng