Tung hneăng lăm pôu kong têa Cuba, kơxo hâi lơ 21/4, tiô chôu Việt Nam, a pơlê kong xiâm La Habana hiăng po leh pơ’lêh inâi Kŏng viên Hoà Bình chiâng kŏng viên Hồ Chí Minh rơtế ƀă tơdroăng rêh ối pêi cheăng dêi Pôa. Pôa Vương Đình Huệ - Kăn xiâm hnê ngăn Kuô̆k hô̆i veăng leh.

Tối tơdroăng rơrêk tung hiâm mơno drêng hlo chôu phut Kŏng viên Hòa Bình châ pơ’lêh inâi chiâng Kŏng viên Hồ Chí Minh, pôa Vương Đình Huệ tối, Cuba hâk tơngăm ai Kăn xiâm hnê ngăn Fidel Castro. Việt Nam hâk tơngăm ai Hồ Chí Minh - Kăn xiâm hnê ngăn tơnêi têa ki apoăng; kŏng viên Hồ Chí Minh cho môi tung mâu tíu mơjiâng pro ai pơxúa ton nah, ‘na túa lĕm tro tơdrêng ƀă mâu tơmeăm ton nah túa lĕm tro kơnía git ki ê dêi pơlê kong xiâm La Habana pro chiâng môi tíu ki lĕm tơviah, môi tiah reăng tơpo mơhno ki lĕm mơnâ mâ dêi pơlê kong xiâm La Habana ki rơkê plĕng, pâ hlế kơ tơmối.

Kăn xiâm hnê ngăn Kuô̆k hô̆i púi vâ mâu kăn ƀă kuăn pơlê pơlê krâm Plaza, pơlê kong xiâm La Habana pơtối râk, ‘mâi rơnêu vâ Kŏng viên Hồ Chí Minh đi đo cho tíu ki mơhno nhoăm, xuân u ối ta ah tung hiâm mơno rêm ngế kuăn pơlê Cuba ƀă Việt Nam.