VOV4.Xơ Đăng - Kơxo lơ 6/9, a kong pơlê Ninh Bình po Leh tơbâ 50 hơnăm Kĭ tơhrâ ‘na Kring vế tơmeăm khoăng mơhno túa lĕm tro ƀă kong kế lâp plâi tơnêi pơxá: “50 hơnăm la ngiâ: Tơmeăm khoăng lâp plâi tơnêi - tơmeăm khoăng ki rơdêi, ki lĕm ƀă pơ’lêh hriăn plĕng’’.

 Pôa Vương Đình Huệ, Kăn xiâm hnê ngăn Kuô̆k hô̆i rơtế ƀă mâu kăn Đảng, Tơnêi têa, Kuô̆k hô̆i veăng leh tơbâ. Ƀă tơmeăm khoăng mơhno túa lĕm tro hên túa ki lĕm tơviah, Việt Nam hiăng rah xo, chêh pro hồ sơ  8 tơmeăm mơhno túa lĕm tro, kong kế ki ô eăng lĕm châ UNESCO chêh tung inâi Tơmeăm khoăng lâp plâi tơnêi; tơdrêng amê, riân sap ing veăng kĭ Tơhrâ hơnăm 1972 troh nôkố, Việt Nam hiăng 5 hdrôh xo pêi hnoăng cheăng tung Hô̆i đong Vâ rậ vế pêi pro tro UNESCO.

Pôa Vương Đình Huệ, Kăn xiâm hnê ngăn tơnêi têa rơtế ƀă mâu kăn Đảng, Tơnêi têa tơkŭm po UNESCO veăng Leh tơbâ

Leh tơbâ 50 hơnăm kĭ tơhrâ Kring vế tơmeăm khoăng mơhno túa lĕm tro ƀă nhâ loăng kong kế lâp plâi tơnêi po a kong pơlê Ninh Bình tung pơla UNESCO mơhnhôk mâu kong têa tung khu tơkŭm po leh tơbâ 50 hơnăm kĭ tơhrâ; pêi pro mâu tơdroăng cheăng troh leh tơbâ lâp plâi tơnêi a Florence, Italia a hâi lơ 11/2022.

Tơdroăng mê tiô tối hdrối kô po ăm rôh mâu tơdroăng cheăng lâp plâi tơnêi troh leh tơbâ kĭ Tơhrâ hơnăm 1972, ƀă xuân hdró 35 hơnăm kĭ tơhrâ châ tơ’noăng a Việt Nam.

Gương tơplôu ƀă tơbleăng