Kơxo lơ 6/12, klêi kơ’nâi leh tơdah tiô tơdroăng po leh dêi mơngế Maori, pôa Vương Đình Huệ, Kăn xiâm hnê ngăn Kuô̆k hô̆i hiăng tơpui tơno ƀă Kăn xiâm hnê ngăn Kuô̆k hô̆i kong têa New Zealand, pôa Adrian Rurawhe. Pôa Vương Đình Huệ mơnhên roh lăm pôu pêi cheăng roh kố dêi Khu râ kăn cho vâ kum thăm mơnhông ƀă pro trâu hơngế tâ tơrŭm cheăng ton xŏn Việt Nam – New Zealand.

A hneăng hôp tơpui tơno, péa pâ môi tuăn ‘na tơdroăng kal thăm tơrŭm tâ mê nếo cheăng kâ - tê mơdró – mơ’no liăn cheăng, djâ kơvâ kố chiâng tơdroăng ki kal mơnhông mơdêk dêi tơrŭm pơla péa tơnêi têa. Kăn xiâm hnê ngăn Kuô̆k hô̆i hiăng kheăn kơdeăn tơrŭm cheăng pơla kơ koan mơjiâng pro luât péa tơnêi têa.

Kăn xiâm hnê ngăn Kuô̆k hô̆i kheăn kơdeăn tơrŭm cheăng pơla kơ koan mơjiâng pro luât péa tơnêi têa, mơnhên hnoăng ki kal, ki păng ‘nâng dêi tơrŭm cheăng Kuô̆k hô̆i râ má môi tung tơdroăng thăm tơrŭm cheăng pơla mâu kong têa.

Péa pâ môi tuăn hriăn plĕng mơjiâng môi tơdroăng môi tuăn tơrŭm cheăng pơla péa Kuô̆k hô̆i vâ mơjiâng luât vâ péa pâ thăm tơrŭm ƀă pro trâu hơngế tâ tơrŭm cheăng tung la ngiâ.