VOV4.Xơ Đăng - Hâi lơ 6/10, pôa Nguyễn Xuân Phúc, Kăn xiâm hnê ngăn tơnêi têa pơtroh kơthô khĕn kơdeăn mâu vâi ngoh Vi Văn Truyền, Lêng Minh Hương ƀă hên kuăn pơlê ki ê hiăng khên tơnôu tŏng xo klêi tơniăn mâu ngế ki kreăng a tơdế kroăng têa lân lu a pơlê Hòa Sơn, cheăm Tà Cạ, tơring Kỳ Sơn, kong pơlê Nghệ An. Kăn xiâm hnê ngăn tơnêi têa khĕn kơdeăn tơdroăng cheăng pêi dêi mâu vâi ngoh ƀă tối nhên, mâu vâi ngoh cho mâu ngế djâ troăng ahdrối ‘na hnoăng cheăng pêi, tơxâng châ khĕn kơdeăn ƀă troh lâp lu tung kuăn pơlê. 

Pôa Nguyễn Xuân Phúc, Kăn xiâm hnê ngăn tơnêi têa

Pôa Nguyễn Xuân Phúc, Kăn xiâm hnê ngăn tơnêi têa xuân tối mâu tơdroăng ki hía dêi kuăn pơlê ki tro lŭp xua khía mơhot têa lân lu pơla hdrối kố nah; khê̆n kơdeăn khât ƀă púi vâ mâu râ Đảng, mâu kăn rêm râ pơtối mơ-eăm tâ kơ mê nếo, mơ-eăm tơkâ luâ xơpá, pơloăng mơnúa, tơkâ luâ khía mơhot têa kân lân lu, rak tơniăn ăm rêm ngế ƀă ivá kuăn pơlê. 

VOV/Tơplôu: Gương