Kăn xiâm hnê ngăn tơnêi têa kheăn kơdeăn tơdroăng ‘’Têt tuăn pâ’’ ăm mơngế kơtiê châ Khu lo tŏng veăng Việt Nam pêi pro a hên pơlê tung lâp tơnêi têa ƀă hên troăng pêi ki pơxúa, kum tơdrêng ăm tơdroăng rêh ối dêi vâi krâ kuăn pơlê.

Kăn xiâm hnê ngăn tơnêi têa pói vâ Khu lo tŏng veăng mâu râ pêi pro tơtro tơdroăng ‘’Têt tuăn pâ’’; pơkâ thế khu râ kăn pơkuâ mâu khu râ kong pơlê Kiên Giang ƀă tơring Hòn Đất pơtối tơmâng, pro tơ’lêi hlâu tâ nếo vâ tŏng kum kŏng nhân, mơngế pêi cheăng, mâu ngế ai hnoăng tơnêi têa tung pơlê vâ ‘’rêm ngế, rêm hngêi pơrá phiu niu a rơnó hơngui, tơdah Têt’’; rak tơniăn khôi túa lĕm tro roh vâi krâ nah ƀlêi trâng dêi pơlê xiâm ki khên tơnôu.