VOV4.Xơ Đăng - Tơpui a rôh pêi cheăng dêi Khu kăn Kuô̆k hô̆i Pơlê kong kân Hồ Chí Minh ƀă Vi ƀan hnê ngăn Pơlê kong kơdrâm a kơxê lơ 13/10 ‘na tơdroăng cheăng kâ rêh ối pơlê pơla ƀă pêi pro tơdroăng pơkâ kơxô̆ 54 dêi Kuô̆k hô̆i, pôa Nguyễn Xuân Phúc, kăn xiâm hnê ngăn tơnêi têa tối tiah kố, troh nôkố, Pơlê kong kân Hồ Chí Minh kal tơdroăng pơkâ xiâm tơƀrê tâ vâ Pơlê kong kân khên tơmiât, khên pêi, mơnhông ivá kơhnâ tâ.

Kăn xiâm hnê ngăn tơnêi têa tơpui a rôh pêi cheăng

‘Na tơdroăng tơbleăng Pơkâ 54 dêi Kuô̆k hô̆i, mơnhên tối khât Pơlê kong kân Hồ Chí Minh hiăng tơbleăng tơƀrê tơdroăng pơkâ, la kăn xiâm hnê ngăn tơnêi têa tối tiah kố, Pơlê kong kân xuân tá hâi mơdêk tơdâng tơ’mô mâu tơdroăng pơkâ ki xiâm, tơdrêng amê hlối tối nếo mâu tơdroăng hnê mơhno dêi pôa Nguyễn Phú Trọng, Kăn xiâm pơkuâ hnê ngăn cheăng Đảng a rôh pêi cheăng ƀă Pơlê kong kân ki nếo a chê kố cho kal mơnhên tối tơdroăng pêi pro Pơkâ 54. Ing mê, pơkâ mơ’no mâu troăng hơlâ ki tơviah, tơƀrê tâ vâ kum Pơlê kong kân mơnhông rơdêi tâ.

VOV/Tơplôu: Katarina Nga