VOV4.Xơ Đăng - Pơtối tơtroăng pêi cheăng a kong pơlê Thanh Hóa, kơxo lơ 29/8, pôa Nguyễn Xuân Phúc, Kăn xiâm hnê ngăn tơnêi têa pơkuâ rôh pêi cheăng ƀă khu kăn Đảng ủy kong pơlê Thanh Hóa. Veăng amê ai pôa Lê Văn Thành, Ngế pro xiâm phŏ hnê ngăn tơnêi têa, kăn hnê ngăn mâu khu xiâm, kơvâ cheăng. Tơbleăng a rôh pêi cheăng, pôa Nguyễn Xuân Phúc tối nhên hdró hơnăm 2029 cho 1 rơpâu hơnăm pơxá inâi Thanh Hóa. Xua mê Đảng bô̆, mâu kăn kong pơlê kal tí tăng ‘nâi plĕng, pro xiâm ki tơ-brê tâi tâng troăng pêi pro vâ troh leh tobâ hdró tơdroăng ki kal dêi kơpong tơnêi kro mơdrŏng tơdroăng ton nah mê.

Pôa Nguyễn Xuân Phúc, Kăn xiâm hnê ngăn tơnêi têa ai rôh pêi cheăng ƀă Khu kăn Đảng ủy kong pơlê Thanh Hóa

Kăn xiâm hnê ngăn tơnêi têa tối tiah kố, tơdroăng mơnhông mơdêk kong pơlê Thanh Hóa nôkố hâi tơxâng ƀă tơdroăng mơnhông xuân môi tiah ki pro pơxúa  tơ’lêi hlâu dêi kong pơlê. Kăn xiâm hnê ngăn tơnêi têa pơkâ thế kong pơlê mơ-eăm xúa tro mâu luât pơkâ dêi Tíu xiâm vâ châ tơ-brê. Malối pôa Nguyễn Xuân Phúc tối pơchân, mơnhông cheăng kâ rơtế ƀă tơdroăng mơdêk mơhno túa lĕm tro ƀă pêi tro tiô tơdroăng rơkê plĕng, tơdâng tơ’mô tung rêh ối. Kring tơniăn ƀă pơtối rak vế, vêa vong dêi kong pơlê, po tơdroăng phiu ro dêi hdroâng kuăn ngo, púi vâ mơnhông mơdêk pơlê xiâm, tơnêi têa.

Gương tơplôu ƀă tơbleăng