VOV4.Xơ Đăng - Hâi lơ 29/7, pôa Nguyễn Xuân Phúc, Kăn cheăng tung Khu xiâm kal kí, Kăn xiâm hnê ngăn tơnêi têa hiăng pơkuâ roh hôp má péa Hô̆i đong cheăng lêng ƀă gâk kring hneăng hơnăm 2021 – 2026. Pôa Nguyễn Xuân Phúc kheăn kơdeăn mâu khu lêng, Kŏng an, Khu tơpui ƀă kong têa ê ƀă mâu khu xiâm, kơvâ cheăng Tơnêi têa hiăng hbrâ ‘nâi nhên, rĕng ‘nâi tơ’nôm rêm hâi, mơnhên, tối hdrối tơdroăng tơplâ tơplong Rusi – Ukraina, teăm tơdrêng tơbleăng, pơkâ, pâ thế ƀă khu râ kăn pơkuâ Đảng, Tơnêi têa ‘na mâu troăng tơmiêt pêi, troăng pơkâ pêi, troăng hơlâ apoăng tơtro.

Hô̆i đong hiăng tơpui tơno ƀă tơpui ‘na tơdroăng tơniăn liăn ngân, hâi khế ƀă tối hdrối tơdroăng tung la ngiâ. Hô̆i đong pơkâ thế khu Kŏng an ƀă mâu khu ki tơdjâk tung la ngiâ pơtối mơnhông mơdêk mâu tơdroăng châ tơƀrê, hriăn plĕng, tơbleăng ƀă Đảng, Tơnêi têa mâu troăng pơkâ pêi, troăng hơlâ  xuân môi tiah pêi pro tơdâng tơ’mô, kơtăng, châ tơƀrê mâu hnoăng cheăng, troăng pêi tơniăn liăn ngân, kum rak tơniăn ƀă mơnhông mơdêk cheăng kâ – rêh ối pơlê pơla dêi tơnêi têa.

A Sa Ly tơplôu ƀă tơbleăng