VOV4.Xơ Đăng - Drêng troh Têt Trung thu, pôa Nguyễn Xuân Phúc, Kăn xiâm hnê ngăn tơnêi têa pơtroh kơthô ăm mâu vâi hdrêng. Tung kơthô ai chêh rơkâu tâi tâng mâu vâi hdrêng tung lâp tơnêi têa Việt Nam xah hêi ro têt Trung thu tơtô ƀă dêi nôu pâ nhŏng o tơná, veăng mơhnhôk mâu vâi o ki pá puât, ôh tá mơhúa tung rêh ối châ xah hêi ro Têt Trung thu tro tiô tơdroăng ki pơxúa ƀă tơniăn. Kăn xiâm hnê ngăn tơnêi têa tối púi vâ mâu vâi hdrêng tung lâp tơnêi têa đi đo ai tuăn tơmiât ro, mơ-eăm tơkâ luâ xơpá, mơnhông tung hriâm ƀă tơdroăng rêh ối.

Pôa Nguyễn Xuân Phúc, Kăn xiâm hnê ngăn tơnêi têa hbru tơmeăm ăm vâi hdrêng

Pakĭng mê pơkâ thế rêm rơpŏng hngêi rêm râ kơvâ cheăng ƀă tâi tâng pơlê pơla, ƀă hnoăng pêi pro, tuăn pâ kal pơtối ai hên tơdroăng pêi pro ki pơxúa khât tâ nếo, tơmâng khât troh mâu vâi o, tung hâi Têt Trung thu, malối ƀă mâu vâi muăn kuăn tê, mâu vâi muăn ki trâm pá, mâu vâi o vâi muăn ối a pơlê cheăm hngế hngo, tíu tơkăng kong, chuăn têa kơxĭ vâ tâi tâng vâi hdrêng mê châ tơmâng mơnhông mơdêk tŭm, châ rêh ối ai hên ngế pâ hơ-ui, tơdroăng rêh ối tơniăn lĕm.

Gương tơplôu ƀă tơbleăng