VOV4.Xơ Đăng - Kơxê lơ 24/8, a tíu pêi cheăng Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa tơdah Khu kăn ngăn Droh rơtăm, Đảng Dân chủ Tự do Nhuk xua pôa Suzuki Norikazu Kăn Kuô̆k hô̆i râ má péa ‘nă Kăn Kuô̆k hô̆i râ má môi Sato Kei, hlối pro Ngế xiâm hnê ngăn khu droh rơtăm Đảng Dân chủ Tự do Nhuk pơkuâ djâ khu kăn lăm pêi cheăng a Việt Nam.

A rôh tơdah, pôa Nguyễn Xuân Phúc khĕn kơdeăn nhoăm khât mâu kăn Kuô̆k hô̆i hơnăm ối nếo Đảng Dân chủ Tự do Nhuk hiăng hlê nhên khât tơdroăng tơrŭm tiô khôi hmâ, ‘na tuăn pâ ki lĕm tro pơla kuăn pơlê péa tơnêi têa. Tung la ngiâ, pôa Nguyễn Xuân Phúc pâ thế Khu ngăn mâu Droh rơtăm Đảng Dân chủ Tự do Nhuk mơdêk tơrŭm cheăng pơla Việt Nam - Nhuk, malối thế loi nhoăm tơdroăng kal kí, tơpui tơno tơrá mâu kăn ƀă rêm râ.

Kăn xiâm hnê ngăn tơnêi têa tơdah khu kăn kuô̆k hô̆i Khu ngăn Droh rơtăm, Đảng Dân chủ Tự do Nhuk

Pôa Nguyễn Xuân Phúc pâ thế Nhuk veăng kum, tơrŭm cheăng ƀă Việt Nam tung hên tơdroăng cheăng, mơdêk tơrŭm ‘mâi mơnhông cheăng kâ klêi kơ’nâi pơreăng kân, malối tung mâu tơdroăng ‘no liăn cheăng, tê mơdró, ODA chal  nếo, pơ’lêh hriăn plĕng ki nếo, pơ’lêh kơxô̆ nếo, pơ’lêh cheăng tơniăn lĕm.

Gương tơplôu ƀă tơbleăng