VOV4.Xơ Đăng - Kơxê lơ 22/8 a tíu pêi cheăng dêi Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa hiăng tơdah Ngế xiâm séa ngăn arak luât dêi Lếo cho pôa Xay-xạ-nạ Khốt-phu-thon ƀă khu kăn pêi cheăng a Việt Nam. A rôh tơdah, pôa Nguyẽn Xuân Phúc koh hâk mơnê kơ pôa Xay-xạ-nạ Khốt-phu-thon, Ngế xiâm séa ngăn arak luât dêi Lếo ƀă Khu kăn lăm pôu, pêi cheăng, veăng hôp ƀă khu râ kăn séa ngăn arak luât mâu kong pơlê ki ai tơdjoâm troăng tơkăng kong pơla Việt Nam - Lếo roh má 7 ƀă mâu tơdroăng cheăng koh hâk hơnăm tơrŭm cheăng pơla Việt Nam - Lếo, Lếo - Việt Nam hơnăm 2022.

Pôa Nguyẽn Xuân Phúc, Kăn xiâm hnê ngăn tơnêi têa tơdah Ngế xiâm séa ngăn arak luât dêi Lếo

Khĕn kơdeăn péa Tíu xiâm séa ngăn arak luât péa tơnêi têa ki ai troăng tơrŭm cheăng tơniăn, Kăn xiâm hnê ngăn tơnêi têa tối tiah kố, kố cho tơdroăng ki kal thế kum péa pâ tối ăm dêi rơpó ‘nâi mâu tơdroăng ƀă túa pêi cheăng tung mâu tơdroăng cheăng ‘na luât hlối tối: Việt Nam đi đo hbrâ rơnáu tŏng kum ăm Tíu xiâm séa ngăn arak luât dêi Lếo tŭm tơdroăng; hbrâ vâ kum liăn hriâm ăm mâu kăn ƀô̆ Tíu xiâm séa ngăn arak luât dêi Lếo troh hriâm a Việt Nam.

 ăm liăn

Gương tơplôu ƀă tơbleăng