Mơnhên tơnêi têa đi đo kal tơdroăng veăng kum dêi mâu ngế ki kuăn pơlê nhuô̆m pâ loi tơngah tung vâi krâ mâu hdroâng kuăn ngo, Kăn xiâm hnê ngăn tơnêi têa pói vâ ngế ki kuăn pơlê nhuô̆m pâ loi tơngah cho khu xiâm tung mâu tơdroăng pêi dêi kong pơlê, kum mơnhông cheăng kâ, rêh ối pơlê pơla, thăm veăng gâk kring tơniăn, gâk kring Tơnêi têa.

Pôa Nguyễn Xuân Phúc, Kăn xiâm hnê ngăn tơnêi têa diâp kơxuô tơmeăm ăm mâu kăn teăng mâ ki kuăn pơlê nhuô̆m pâ loi tơngah veăng roh trâm mâ

A roh trâm mâ, mâu kăn teăng mâ tối mâu túa ki rơkê tơtro veăng mơjiâng hngêi ối ăm mơngế ai hnoăng tơnêi têa, mơngế kơtiê a kong pơlê; mơ-eăm hluăn ing kơtiê; mơhnhôk, pơtâng tối, kuăn pơlê rak vế ƀă mơnhông mơdêk mâu tơdroăng ki kơnâ khôi túa lĕm dêi hdroâng kuăn ngo, tah lôi khôi túa ki ôh tá lĕm tro ƀă hía hé, tơdrêng amê tối pói vâ Đảng, Tơnêi têa pơtối tŏng kum vâ kuăn pơlê mơnhông cheăng kâ – rêh ối pơlê pơla, mơdêk tơdroăng rêh ối.