VOV4.Xơ Đăng - Hâi lơ 12/10, a Pơlê kong kân Hồ Chí Minh, pôa Nguyễn Xuân Phúc, Kăn xiâm hnê ngăn tơnêi têaƀă Tôh kăn teăng mâ Kuô̆k hô̆i Pơlê kong kân Hồ Chí Minh Tíu pêi cheăng kơxô̆ 10 trâm mâ kuăn pơlê mâu tơring Củ Chi ƀăHóc Môn. Rơtế ƀă tôh kăn teăng mâ Kuô̆k hô̆i pơlê kong kân hiăng tơmâng, tiâ, hmâng rơkong kuăn pơlê tơpui tối ‘na mâu tơdroăng ki kal dêi tơnêi têa ƀăpơlê kong kân, môi tiah tơdroăng pơkuâ têa châu têa kơxăng; mâu tơdroăng tơkêa bro a Pơlê kong kân Hồ Chí Minh pơkâ pêi laga ôh tá lĭng pêi pro pro kuăn pơlê tô tuăn ƀă hía hé.

Pôa Nguyễn Xuân Phúc, Kăn xiâm hnê ngăn tơnêi têa trâm mâ mâu kuăn pơlê a tơring Hóc Môn

Kăn xiâm hnê ngăn tơnêi têa hnê mơhno kăn pơkuâ pơlê kong kân tiâ ăm kuăn pơlê tơdrêng a roh trâm mâ, tơdrêng amê pơkâ tơleăng rĕng mâu pơkâ tơxâng dêi kuăn pơlê hiăng tơpui tối. A roh trâm mâ, pôa Nguyễn Xuân Phúc, Kăn xiâm hnê ngăn tơnêi têa xuân tơbleăng troh kuăn pơlê ‘na mâu tơdroăng châ tơƀrê dêi Hneăng hôp roh má 6 Khu xiâm pơkuâ Đảng nếo tơkŭm po.

‘Na tơdroăng châ tơƀrê pêi pro mâu hnoăng cheăng dêi hơnăm 2022, Kăn xiâm hnê ngăn tơnêi têa tối ăm ‘nâi, tơnêi têa pin hiăng pêi pro ƀlêi trâng kân, tơtro tŭm tâi tâng pơkâ xiâm, hnoăng cheăng. Pơtối mê, lâp tơnêi têa ai 14/15 pơkâ châ plah pơkâ pêi, hên pơkâ châ tơƀrê hên.

VOV/Tơplôu: A Sa Ly