Kơxo lơ 23/5, a Tíu pêi cheăng Kăn xiâm hnê ngăn tơnêi têa, pôa Võ Văn Thưởng, Kăn xiâm hnê ngăn tơnêi têa trâm mâ, rơkâu mâu ngế tơ’noăng, mâu thái hnê mơngế tơ’noăng châ kâ mê dái mêa a SEA Games 32. Xông tơpui a roh trâm mâ, teăng mâ khu râ kăn pơkuâ Đảng, Tơnêi têa, pôa Võ Văn Thưởng tối phiu ro, rơrêk tơdah, rơkâu mâu kăn ƀô̆, thái hnê mâu ngế tơ’noăng, ngế tơ’noăng hiăng châ tơƀrê a SEA Games 32.

Kố cho hneăng SEA Games châ tơƀrê dêi Việt Nam ƀă tơdroăng roh apoăng khu tơ’noăng ivá Việt Nam ối má môi tâi tâng khu, châ 12 hneăng (châ kâ ối má môi), mơjiâng 4 hdroh SEA Games, djâ hâk tơngăm ôh tá xê to ăm khu tơ’noăng, mâu kăn pơkuâ khu mê cho ăm hâk tơngăm ăm tơnêi têa. Vâ mâu tơdroăng ki châ kâ đi đo rak, pơtối ai nếo, pôa Võ Văn Thưởng pơchân tối mâu khu xiâm, kơvâ cheăng, kong pơlê pơtối hnê mơjiâng, hnê tơ’nôm ăm mâu ngế tơ’noăng, thái hnê mâu ngế tơ’noăng châ achê; ai troăng mơhnhôk mâu ngế rơkê veăng vâ tơ’noăng ivá Việt Nam prôk tro troăng, prôk hơngế tâ, mơ-eăm xông a’ngêi tâ.