Pôa Nguyễn Xuân Phúc, Kăn xiâm hnê ngăn tơnêi têa rơkâu Kuô̆k hô̆i Indonesia hiăng tơkŭm po klêi hneăng hôp Kuô̆k hô̆i G20 (P20), veăng kum Indonesia pêi klêi hnoăng cheăng pro Kăn xiâm hnê ngăn G20 hơnăm 2022; tối tơ’nôm, Việt Nam kô mơ-eăm kum Indonesia pêi klêi hnoăng cheăng pro Kăn xiâm hnê ngăn ASEAN xuân môi tiah Kăn xiâm hnê ngăn Hô̆i đong Tơrŭm cheăng dêi mâu kong têa Đông Nam Á (AIPA) rôh má 44 hơnăm 2023; Kăn xiâm hnê ngăn Kuô̆k hô̆i Indonesia môi tuăn mơdêk tơpui tơno tối ăm dêi rơpó tơdroăng cheăng mơjiâng luât ƀă tơrŭm séa ngăn mâu tơdroăng tơhrâ tơrŭm cheăng pơla péa tơnêi têa vâ pơtối rak vế hnoăng cheăng dêi kơ koan mơjiâng luât péa tơnêi têa.

Pôa Nguyễn Xuân Phúc, Kăn xiâm hnê ngăn tơnêi têa hôp tơpui ƀă jâ Puan Maharani, Kăn xiâm hnê ngăn Kuô̆k hô̆i Indonesia. (Um: Thống Nhất – TTXVN)

Péa pâ tối mơdêk tơrŭm cheăng krá a mâu hneăng hôp hên troăng môi tiah Khu tơrŭm Kuô̆k hô̆i lâp plâi tơnêi (IPU), Hneăng hôp Kuô̆k hô̆i châu Á - Thái Bình Dương 9 APPF), hlối vâ kum troăng rơhlâ dêi rơpó ‘na mâu tơdroăng tung kơpong ƀă lâp plâi tơnêi ki péa pâ rơtế vâ ‘nâi plĕng.