A Hà Nội, pôa Nguyễn Xuân Phúc, Kăn xiâm hnê ngăn tơnêi têa veăng hôp ƀă tối tơbleăng hnê mơhno hneăng hôp tối mâu tơdroăng cheăng pêi kơvâ séa ngăn kuăn pơlê hơnăm 2023 xua Viện Kiểm sát Nhân dân tơkŭm po. Tối bleăng hnê mơhno a hneăng hôp, pôa Nguyễn Xuân Phúc, Kăn xiâm hnê ngăn tơnêi têa tối nhên mâu tơdoăng hiăng châ pêi pro dêi tơnêi têa hơnăm 2022 ing kăn hnê ngăn dêi Đảng, ối ako cho pôa Nguyễn Phú Trọng, Kăn xiâm hnê ngăn Đảng ƀă tối, tung mâu tơdroăng ki hiăng chiâng pêi pro veăng ai hnoăng dêi kơvâ cheăng Khu xiâm séa ngăn Kiểm sát Nhân dân.

Kăn xiâm hnê ngăn tơnêi têa khĕn kơdeăn kơvâ cheăng dêi Kiểm sát Nhân dân hiăng kơdo mơ-eăm, hbrâ tơbleăng tơdrêng hên troăng rơhlâ vâ pêi tro pŭn tơdroăng pơkâ ki kân, tơpah khu tơdroăng cheăng ki kal, châ ƀă luâ hên tơdroăng pơcháu, tơdroăng pơkâ pêi châ Kuô̆k hô̆i pơcháu.

Tung la ngiâ, pôa Nguyễn Xuân Phúc pơkâ thế kơvâ cheăng dêi Viện Kiểm sát Nhân dân ƀă kơvâ cheăng thâ mơjiâng tơdroăng, pơkâ tơbleăng pêi teăm tơdrêng,  tơƀrê  mâu tơdroăng cheăng, troăng rơhlâ pêi tung pơkâ kơxô̆ 27 dêi Tíu xiâm ‘na “Pơtối mơjiâng ƀă pê klêi tơnêi têa tro tiô luât Xah hô̆i Chuh ngiah tung mâu hơnăm la ngiâ’’.